Fillojnë aplikimet për Big Brother Albania 5

Kanë filluar aplikimet për “Big Brother Albania 5″, edicion ky i cili mbahet për të pestën herë radhazi në Shqipëri, bëjnë të ditur mediat shqiptare

Për të gjithë ata të cilët dëshirojnë të jenë pjesë e edicionit të pestë të “Big”-ut aplikimin mund ta bëjnë përmes faqes zyrtare të TV Show-t duke klikuar këtu.

Ndërsa transmetimi fillon që nga Janari i vitit 2012. 

Nisin përgatitjet për Big Brother Albania 5

Edhe në këtë vit, Top Channel do të vijë me një tjetër Big Brother Albania, i cili spektakël do të përcillet me shumë risi, edhe pse do të fillojë paksa më vonë sesa spektaklet e tjera.

Njëri prej personave që e prodhon këtë spektakël, Rezart Aga, në një bisedë me gazetën “Shekulli”, ka thënë se edhe këtë vit teleshikuesit shqiptarë, në të gjitha trojet, do ta kenë ekskluzivitetin e përcjelljes së këtij festivali që do të përcillet me plot befasi.

“Vetëm pas disa ditësh, në ekranin e Top Channel do fillojë të transmetohet reklama për audicionet”, ka thënë ai.

Pas edicionit të katërt, ku fituese për herë të parë ishte një femër, edhe këtë vit pritet që organizatorët të zgjedhin persona të ndryshëm, të cilët do të bëjnë debat dhe natyrisht edhe dashuriçkat e banorëve nuk do të mungojnë.

Por, për dallim nga viti i kaluar, kur BBA 4 kishte filluar në dhjetor, Aga thotë se tani spektakli do të fillojë në muajin shkurt.

Ai premton se edhe në këtë vit do të ketë shumë risi në këtë emision.

“Për ata të ‘merakosurit’ për faktin se do ndërrohet apo jo prezantuesja, ju themi: Jo. Prezantuesja, edhe këtë vit, për të pestin vit radhazi, do të jetë Arbana Osmani”.

Sipas Agajt, edhe këtë vit, njëlloj si vjet, do të ketë një përzgjedhje brenda shtëpisë. “Pra, nuk është e thënë që të gjithë konkurrentët që do shohim të futen natën e parë, do të jenë banorët e përhershëm”.

Ai po ashtu ka thënë se edhe në këtë vit do të ketë surpriza dhe rikonceptime në shumë aspekte, por tani preferon të mos i thotë të gjitha.

Ndërkohë, shtyrja, sipas organizatorit, është bërë për shkak të fillimit të spektaklit “Voice of Albania”, gjë që ka bërë që Big Brother të organizohet pas këtij spektakli.

Ndryshe, Big Brother Albania sjell para ekranit edhe konkurrentë kosovarë, të cilët garojnë bashkë më ata të Shqipërisë, përderisa transmetimet live nga shtëpia vinë në paketën e DigitAlb, që në Kosovë e sjell kompania IPKO.

1500 euro për disa minuta, fiton Nora Istrefi

1500 euro vetëm për pak minuta, ka fituar Nora Istrefi në një koncert që ka mbajtur në diskoteken e njohur në Tiranë “Flux”. Ajo thuhet të ketë kënduar disa këngë para mbi 500 adhuruësve të saj, por nuk është lodhur të qendroj gjatë për t’i kënaqur deshirat e tyre.Për ta përcjellur koncertin e saj live në diskotekën “Flux”, fansat e Norës kanë pritur mbi 3 orë jashtë ambijenteve të diskotekës. Por kjo në fund nuk i është shperblyer atyrem, pasi Nora nuk ka kënduar as edhe një orë të plotë. Kështu, ka thanë një adhuruës i Norës, i cili ishte prezent në diskoteken “Flux”.

Sipas tij, Nora ka kënduar vetëm ato këngë të pakta që i ka të realizuar vet, por jo edhe ato të cilat i ka në bashkëpunim me gëngëtar të njohur të estrades shqiptare.

Gymyshi foli shqip për 30 mijë euro

Gymyshi për çdo fjalë shqipe që foli në skenën e festivalit “Kënga Magjike 2011” fitoi nga një mijë euro.
Ishte mysafire speciale e festivalit “Kënga Magjike 2011” dhe që ishte surpriza e këtij festivali, aktorja e famshme e serialeve turke, Songul Oden, e njohur më së shumti me rolin kryesor në serialin “Gymysh”.

Për ardhjen e saj në Shqipëri dhe belbëzimin e disa fjalëve në gjuhën shqipe aktorja turke kishte fituar hiç më pak se 30 mijë euro, raportojnë mediat shqiptare.

Oden është një prej aktoreve më të famshme turke, e cila tashmë ka depërtuar edhe jashtë kufijve të Turqisë, me audiencë në vendet ballkanike dhe Arabinë Saudite. Seriali ku aktorja njihet si “Gymysh” raportohet se ka regjistruar një numër rekord të audiencës, prej 85 milionë spektatorëve.

Big Brother Albania 5 fillon në Shkurt 2012

Rezart Aga bëri të ditur se Big Brother Albania 5 fillon në fillim të shkurtit 2012. Përgatitjet kanë filluar dhe priten shumë surpriza të reja, si gjitmonë. Edhe këtë edicion prezentuese për të 5-tën herë do të jetë Arbana Osmani. Rrini para ekranit të Top Channel dhe prisni reklamen e re mbi audicionet Big Brother.